विश्व ज्ञान सम्मेलनको उद्घाटन प्रधानमन्त्री ओलीले गर्ने, २४ देशका २५० बढी वैज्ञानिक सहभागी हुने

काठमाडौं : गैरआवासीय नेपाली संघ (एनआरएनए)द्वारा आयोजित दोस्रो विश्व ज्ञान भर्चुअल सम्मेलनको उद्घाटन प्रधानमन्त्री केपी शर्माले गर्ने भएका छन् । सम्मेलन असोज २३ देखि २५ गतेसम्म हुनेछ ।

सम्मेलनमा संयुक्त राष्ट्र संघ अन्तरर्गतको विश्व खाद्य संगठन, आइएलओ लगायत इसिमोड, एसियाली विकास बैक, राष्ट्रिय योजना आयोग र विश्व बैंकमा कार्यरत विज्ञहरूले आआफ्नो कार्यपत्र प्रस्तुत गर्ने एनआरएनए अध्यक्ष कुमार पन्तले जानकारी दिए ।

याे पनि पढ्नुस  कोरोना खोप निर्माणमा खटिरहेका वैज्ञानिकलाई राष्ट्रपति भण्डारीद्वारा शुभकामना

नेपाल सरकारका प्रवक्ता तथा परराष्ट्रमन्त्री प्रदीपकुमार ज्ञवाली विषेश अतिथिको रुपमा उपस्थित हुने सो सम्मेलनमा गैरआवासीय नेपाली विज्ञबाहेक साइप्रस, अमेरिका, बेलायत, चीन, जापान, फिनल्यान्ड, अष्ट्रेलिया, नर्वे, नेदरल्यान्ड, क्यानाडा, भारत, सिंगापुर, श्रीलंका, फ्रान्स, जर्मनी, दक्षिण कोरियाका वैज्ञानिकहरु सहभागी हुने छन्।

विदेशमा रहेका र विदेशबाट फर्किएका नेपालीको ज्ञान, सीप र बौद्धिकतालाई नेपालको विकास एवं समृद्धिका लागि प्रयोगमा ल्याउन दुई वर्षअघि विश्व ज्ञान सम्मेलन आयोजना गर्न सुरु गरिएको थियो ।

याे पनि पढ्नुस  स्टाटस हालेर एनआरएनए मलेसियाका वरिष्ठ उपाध्यक्ष मगर सम्पर्कविहीन

संयुक्त राष्ट्रसंघको दिगो विकासको लक्ष्य र नेपाल सरकारको १५ औँ पञ्चवर्षीय योजना, कोरोना महामारीपछि नेपालको अर्थतन्त्र, कोरोनाले नेपालमा पारेको प्रभाव र कोरोनापश्चात विश्वभर चालिएका कदम र नेपालले अवलम्बन गर्नुपर्ने रणनीतिका केन्द्रित हुने सम्मेलन आयोजक समितिका संयोजक डा. हेमराज शर्माले जानकारी दिए।

कमेन्ट गर्नुहोस्